З гісторыі школы
У 1967 годзе пабудавана новае школьнае памяшканне ў в. Каменка
«Каменская сярэдняя школа”.
У розныя часы ўстанову адукацыі ўзначальвалі наступныя дырэктары школы:
1920 – 1927 - Паўловіч В.К.
1927 – 1933 - Брылёў А.Р.
1933 – 1941 - Чымірка І.П.
1945 – 1949 - Дорах М.А.
1949 – 1955 - Царэнка А.П.
1955 – 1957 - Шэйкман Я.М.
1957 – 1985 - Пейсаховіч Я.А.
1985 – 1989 - Ткач У.А.
1989 – 1997 - Бордак А.М.
1997 – 2016 - Чваркова С.А.
2016 - Гурына М.А.
Толькі ўявіце за 51 год установа адукацыі благаславіла ў вялікае жыццё 1205 сваіх выхаванцаў. 29 чалавек закончыла школу з залатым і сярэбраным медалямі: Шчыпер Валянціна Іванаўна, Арцюшэнка Ніна Аляксандраўна, Ліс Мікалай Андрэевіч, Красюк Анатолій Рыгоравіч, Лузан Наталля Уладзіміраўна, Ахрамовіч Інеса Валер’еўна, Жылін Васілій Уладзіміравіч, Маспан Вольга Юр’еўна, Шоба Таццяна Аляксандраўна і інш.
Выпускнікі школы сталі людзьмі розных прафесій: настаўнікі, ўрачы, юрысты, будаўнікі, мастакі…
Сярод іх – Кадол Фёдар Уладзіміравіч, доктар педагагічных навук, прафесар Гомельскага дзяржаўнага ўніверсітэта імя Ф.Скарыны; Дуброва Мікалай Кузьміч, член Беларускага саюза мастакоў; Федарэнка Андрэй Міхайлавіч, член Саюза беларускіх пісьменнікаў…
У школе працавалі 4 заслужаныя настаўнікі школ Беларусі: Царэнка Антон Пракопавіч(1972г.), Зарэцкая Ала Іванаўна(1974г.), Сачэнка Ніна Дзмітрыеўна(1978г.), Дворак Мікалай Мікалаевіч(1983г.). Доўгі час выкладала ў школе рускую мову і літаратуру настаўнік-метадыст Дварэцкая Соф’я Майсееўна. Знакам “Выдатнік народнай асветы БССР” былі ўзнагароджаны Пейсаховіч Хаім Аронавіч, які ўзначальваў школу больш 27 гадоў, Зарэцкая Ала Іванаўна, намеснік дырэктара шолы па вучэбнай рабоце, Дворак Мікалай Мікалаевіч, настаўнік фізічнай культуры і інш.
Званне “Старшы настаўнік” было прысвоена Турбалавай Аляксандры Пятроўне, настаўніцы рускай мовы і літаратуры, Шумак Кіры Канстанцінаўне, настаўніцы пачатковых класаў, Двораку Мікалаю Мікалаевічу, настаўніку фізічнай культуры.
Ва ўстанове адукацыі працуюць былыя яе выпускнікі: Маспан Ганна Мікалаеўна, намеснік дырэктара школы па вучэбна-выхаваўчай рабоце, Кузьменка Ганна Мікалаеўна, настаўніца пачатковых класаў, Грынок Таццяна Пятроўна, настаўніца інфарматыкі і матэматыкі, Ахрамовіч Уладзімір Валер’евіч, настаўнік фізічнай культуры і здароўя.
Ідуць гады... Шмат што змяняецца ў жыцці кожнага чалавека. Кожны дзень прыносіць новыя падзеі, але з нашай памяці ніколі не знікнуць школьныя гады, любімыя настаўнікі, нашы аднагодкі.
З успамінаў выпускнікоў 1968 года чытаем “Мы атрымалі выдатныя веды па ўсіх прадметах, дзякуючы чаму мы знайшлі сваё месца ў жыцці. Жадаем Вам, сучасныя і будучыя вучні Каменскай школы, атрымліваць глыбокія і трывалыя веды, стаць свядомымі грамадзянамі нашай Радзімы. Беражыце і пераўмнажайце лепшыя традыцыі Каменскай школы!”
